由於小B 的胎位一直也很高, 醫生一早已叮囑, 就算是催生也可能雖要一段很長的時間, 但又因為是第2胎的關係, 希望產程可以短一些, 所以當日早上10時多已塞了催生藥, 但到了下午2,3時再吊藥, 我仍然沒有太大的陣痛感覺, 心裡一直很擔心會催生不成功, 直到下午4時, 醫生來觀察我的情況, 指進度太慢了, 便指示護士把藥加大, 醫生還對我說: 一個小時後回來看你, 到時唔要見到你咁輕鬆! 我心想: 唉, 已經5:00PM 都未有反應, 今日都唔知幾時至生到
怎料, 一加藥後, 陣痛急速加劇, 快得連叫助產士取笑氣也趕不及, 已痛得我不停哭, 一小時後助產士檢查過後, 子宮頸已開了7度, 助產士們已急急推我進產房, 進產房後, 我經歷到前所未有的痛楚, 我相信小B 即將出世, 助產士也不斷指示我如何用力, 但發覺大食怪先生仍未能安排入產房, 唯有不停催促助產士快點安排他入產房, 最後只須痛了2個多小時, 小B便順利出世了! 助產士把小B清潔過後放到我身邊時, 今次有一種很親近的感覺, 明白到當媽媽是什麼一回事, 興上次第一次當媽媽, 真的很不同, 當時我只是覺得小皇帝很陌生, 對當媽媽的身份仍然未能適應
作為兩子之母, 暫時仍有些不習慣, 原來有2個小朋友, 生活真的頗忙, 雖然小皇帝已經這麼大, 照顧小B的同時, 又會擔心冷落了小皇帝, 希望未來日子可以盡快適應
4 comments:
恭喜晒呀.....湊兩個真係好忙架，不過你要爭取時間多休息呀
兩兄弟都好合拍喎,再一次恭喜你哋吖........
oyster: 係呀, 忙左d, 成日好驚冷落小皇帝, 令佢心靈受損....
不過好彩有姐姐幫手, 做左好多家務, 所以反而覺得比上一次生小皇帝時清閒
coco 媽: 多謝晒呀.....希望佢2個一路咁咁合拍, 唔好水溝油啦
其實細佬無輸架, 如果佢41週先出世, 4kg都似.
Post a Comment