踏入2007年, 我們一家作了一個令家庭有很大改變的決定 -- 搬家, 預計待小皇帝學校放暑假時才進行.
未來新居其實是搬回與我父母一起居住, 目的好簡單, 就是要節省住屋開支, 慳錢及儲錢, 為將來生活鋪路. 我們只打算搬回去住數年, 等小皇帝完成小學時, 就在我父母與妹妹的新居附近, 購買另一個更大更舒適的房子. 當然更希望是, 到時不用再為供樓而煩惱.
與身邊好友談及此事, 當中有位好友的反應是, 認為我們不應為節省數千元, 就要帶同小皇帝搬住一幢沒有電梯的舊樓居住, 同時此居所位於舊區, 四周環境很雜.....等等評語. 更好笑的一句話是: 到時我也要我的女兒到你處坐坐, 讓她知道社會上另一個世界, 原來有些住所沒有電梯, 有住客會所更不是必然的
這句說話真是令我們啼笑皆非, 其實我同大食怪先生, 都不認同這位好友的見解, 一個小朋友的成長, 那會與住所所處的區域有直接關係呢? 況且, 更不應將住所的級數與小朋友的幸福指數扯上關係, 這想法未免太膚淺幼稚吧! 雖然娘家那裡是唐樓, 但我們真是覺得不是一個大問題, 除了沒有會所, 要行樓梯外, 與現時3房2廳的新樓比較, 娘家的面積簡直是綽綽有餘, 那又怎會有"淪落"的感覺呢?
無可否認, 到時居住環境比現時為差, 但嘗試以一個較正面的想法去思考這件事, 我們亦趁機向小皇帝解釋, 相比起很多人, 我們仍很幸運, 起碼你仍有自己的房間, 亦有我們陪著你, 至小仍隨時到麥記....等等, 曾經, 在娘家附近, 小皇帝親眼目睹一個比他還小的小女孩在街上拾紙皮, 最後給一個老伯伯騙去手上的紙皮....這些生活經歷, 又何嘗不是生活上的另一種體驗呢? 別忘記,小朋友的適應力是很強的啊!
另外, 值得開心的是, 搬回與父母住, 又可重拾遺忘了多年的天倫樂, 可以多些時間與自己父母見面, 互相照顧, 自我們決定搬回去住, 我的爸爸媽媽非常開心, 始終他們年紀都不小, 有自己的子女在身邊, 始終都會覺得開心, 就這些簡直已經是無價, 豈可用金錢去衡量呢!
2 comments:
希望你既5年大計會達成啦.
呢個世界有好多地方都無club house 架啦, 外國人地住house 咪又係咁, 睇返hk, 除左舊區d 屋, 咁半山、何文田、港島d 樓咪又係, 人地駛乜club house 呀, 幾個私人會所會藉等住佢去玩啦, 做人咪咁膚淺至得架.
希望你地搬左之後會盡快適應啦, 話晒你都好耐無同爸爸媽媽一齊住, 至少嗌交都要細聲d 呀. 哈哈!
第日買左千呎豪宅, 記住預我地上去倒亂呀!
牛太太, 多謝你支持呀! 我都話我地志同道合架啦, 哈哈!
我都希望用呢5年時間, 做到d 成果出來
我唸我地會好快適應, 話晒我地適應力都ok架 (又自己讚自已..嘻)
不過嗌交真係要細聲d, 唔係就會比公公婆婆知, 咁就唔好啦!
牛太太, 我目標唔係千呎大宅喎! 我地得3個人, 唔洗咁大, 只係唸住換大小小, 7百零呎果d 啦, 你唔嫌"隔涉", 我隨時歡迎..嘻! 其實離開個mtr 都只係15分鐘車程架咋!
Post a Comment